Xildhibaano naqdiyay go'aanka Villa Somalia ee iibinta 7-Baloog ee Shidaalka Somalia

0
Wednesday May 13, 2020 - 14:21:26 in Wararka by Warqabadka Koonfurta soomaaliya
  • Visits: 330
  • (Rating 0.0/5 Stars) Total Votes: 0
  • 0 0
  • Share via Social Media

    Xildhibaano naqdiyay go'aanka Villa Somalia ee iibinta 7-Baloog ee Shidaalka Somalia

    Guddoomiyaha Guddiga Kheyraadka aqalka sare ahna Xoghayaha arrimaha dibadda Xisbiga Himilo Qaran Senator ilyaas Ali Hassan ayaa ka soo horjeestay qorshaha dowladda Soomaaliya ee ku aaddan iibka qandaraasyada 7 baloog oo kamid ah Galmudug, Hirshabelle

    Share on Twitter Share on facebook Share on Digg Share on Stumbleupon Share on Delicious Share on Google Plus

Guddoomiyaha Guddiga Kheyraadka aqalka sare ahna Xoghayaha arrimaha dibadda Xisbiga Himilo Qaran Senator ilyaas Ali Hassan ayaa ka soo horjeestay qorshaha dowladda Soomaaliya ee ku aaddan iibka qandaraasyada 7 baloog oo kamid ah Galmudug, Hirshabelle, Koonfur Galbeed iyo Jubbaland.

Wasaaradda Batroolka iyo kheyraadka dabiiciga ah ee DFS ayaa shalay soo saartay go’aan lagu iibinayo wareegga koowaad ee shati bixinta, waxaana warqad ka soo baxday Wasaaradda lagu sheegay in ilaa bisha Maarso ee sanadka 2021 ay socon doonto.

Senator ilyaas Ali Hassan ayaa caddeeyey in guddiga kheyraadka aqalka sare uu arrinkan uga soo horjeedo sabab muuqata oo uu ku sheegay in Shidaalka caalamka uu haatan soo wajahay qiime dhac aad u weyn, taasina ay khasaare ku tahay qaranka Soomaaliyeed.


Qoraal uu Xildhibaanka soo dhigay baraha bulshada ayuu ku sheegay in waqti xun lagu beegay iibka xirmooyinka Shidaalka wuxuuna yiri "Iib-geynta Shidaalka Somalia xiligaan oo uu aduunku maraayo qiimihiisa meeshii ugu xumeed oo ah yaa iga qaata iyo aduunyada oo la daalaa dhaceyso dhibatada Coronavirus ka waxay tusaale u tahay qorshe xumada iyo kala sareysiinta muhiimadaha dalka xiligaan adag!”

Cudurka Coronavirus ayaa saameeyey dhaqaalaha caalamka taas ayaana ku kalliftay dowladda Soomaaliya in share-ka ay ku iibiso hab online ah laga billaabo afarta bisha todobaad August 2020.

Waxaa la ogaaday in dowladda Soomaaliya qorsheysay inay iibiso 15 block oo qiimo ahaan ku kacay 30 million fuusto lkn qiima dhaca Shidaalka iyo shirkadaha daneynaya oo hoos u dhacay waxaa la go’aamiyay 7 kamid ah, waxaana warbixin internet ka lagu daabacday sheegaysaa in baloogyada suuqa yaal ay kala yihiin 152, 153, 164, 165, 177, 178 iyo 204.

Somalia, waxay markii ugu horreysay billowday inay shidaal sahmiso oo ka fikirto inay soo saarto xorriyaddi ka hor 10 sano, oo ku beegan 1950-kii waxaana shirkadaha heshiisyada galay kamid ah Shell, ExxonMobil, Eni iyo Chevron, hase ahaatee waxaa dalkii burburay 1991 oo la galay dagaal sokeeye.

Lama oga go’aanka ay qaadan doonaan maamul goboleedyada dalka oo deegaannadooda laga soo saarayo Shidaalka maadaama weli aan heshiis dastuuri ah laga gaarin qaybsiga khayraadka dalka, xiriirka maamullada federaalka iyo dowladda fedraalka ahna uusan wanaagsaneyn sidoo kalena Maamulada Jubbaland iyo Puntland ay kasoo horjeesteen Sharciga Batroolka oo ay Xildhibaannada ansixiyeen Madaxweyne Farmaajana uu saxiixay.


Leave a comment

  Tip

  Tip

  Tip

  Tip

  Tip


Site Designed & Developed by Ileys Inc